Իլոն Մասկը մեկ օրում կորցրել է ավելի քան 20 միլիարդ դոլար
Իլոն Մասկը հինգշաբթի՝ հուլիսի 21-ին, կորցրել է 20,3 մլրդ դոլար՝ իր Tesla ընկերության բաժնետոմսերի գնանկման պատճառով։ Այս մասին գրում է Bloomberg գործակալությունը։
Հրատարակության տվյալներով՝ գործարարի կարողությունը նվազել է՝ հասնելով 234,4 միլիարդ դոլարի։ Նշվում է, որ սա պատմության մեջ յոթերորդ ամենամեծ անկումն է, և նման փոփոխությունների պատճառը Tesla-ի բաժնետոմսերի 9,7%-ով գնանկումն է՝ ընկերության սեփականատեր Մասկի՝ իրենց արտադրանքի գները շարունակաբար նվազեցնելու ծրագրերի մասին խոսքերից հետո:
Այնուամենայնիվ, նույնիսկ նման կորուստներից հետո Իլոն Մասկը շարունակում է մնալ աշխարհի ամենահարուստ մարդը՝ 33 միլիարդ դոլարով առաջ անցնելով LVMH ընկերությունների խմբի (Louis Vuitton Moet Hennessy) սեփականատեր Բեռնարդ Առնոյից, որը զբաղեցնում է երկրորդ տեղը։
Ավելի վաղ գործակալությունը հայտնել էր, որ Tesla-ի, SpaceX-ի հիմնադիր, Twitter-ի սեփականատեր Մասկը առաջին տեղն է զբաղեցրել վերջին վեց ամսվա ընթացքում ամենաշատ գումար վաստակած մարդկանց ցուցակում։
The post Իլոն Մասկը մեկ օրում կորցրել է ավելի քան 20 միլիարդ դոլար appeared first on ԳԱԼԱ.