Թուրքական մամուլի արձագանքը Հայաստանի, Հունաստանի և Կիպրոսի միջև կնքված համագործակցության ծրագրին
Կիպրոսի Հանրապետությունում հուլիսի 5-ին տեղի են ունեցել Հայաստան-Հունաստան-Կիպրոս եռակողմ պաշտպանական խորհրդակցություններ։ Հանդիպման ընթացքում քննարկվել են երեք երկրների հետաքրքրությունների շրջանակներում գտնվող անվտանգային մի շարք խնդիրներ և համագործակցության հարցեր։
Քննարկումների արդյունքում ստորագրվել է եռակողմ ռազմական համագործակցության տարեկան ծրագիրը, որն ընդգրկում է մի շարք միջոցառումներ Հայաստանում, Հունաստանում և Կիպրոսում։
Վերոնշյալ համագործակցությունը հայտնվել է թուրքական մամուլի ուշադրության կենտրոնում։ Ըստ թուրքական մամուլի պնդման՝ հանդիպումը կայացել է այն ժամանակ, երբ ուշագրավ փոփոխություններ են կատարվել այդ երկրների զինված ուժերում և մանրամասնել՝
Ըստ թուրքական կայքի՝ Աթենքը Ֆրանսիայից պատվիրել է 24 Dassault Rafale բազաֆունկցիոնալ կործանիչներ, մոդիֆիկացված F-16 Block-72 կործանիչներ։ Նաև հավելվել է, որ Աթենքը պատվիրում է առնվազն 20 միավոր 5-րդ սերնդի F-35 գերժամանակակից կործանիչներ և ունի ևս 28 միավոր նմանաիպ կործանիչներ գնելու տարբերակ։
Թուրքական աղբյուր, հղում անելով Հունաստանի վարչապետի հայտարարությանը, ընդգծում է, որ Հունաստանը շարունակելու է մեծացնել իր ռազմական ներուժը։
Անդրադառնալով Հայաստանին նշվել է, որ Հայաստանը ցանկանում է պաշտպանական ոլորտում որոշակի փոփոխություններ կատարել, դիատրկելով նաև այլընտրանքային տարբերակներ։
Աղբյուրը նշում է, որ այս որոշմանը Հայաստանը հանգեց 44-օրյա պատերազմից և շարունակվող ռուս-ուկրաինական հակամարտությունից հետո, ինչպես նաև ադրբեջանական բանակին ժամանակակից թուրքական և իսրայելական անօդաչու թռչող սարքերի մատակարարումից հետո։
Անցում կատարելով Կիպրոսի Հանրապետությանը, նշվում է, որ Կիպրոսը ցանկանում է Ֆրանսիայի հետ ստորագրել է կարճ հեռահար Միստրալ հակաօդային պաշտպանության հրթիռներ գնելու վերաբերյալ պայմանագիր։
Նաև Կիպրոսի Հանրապետությունը նախատեսում է Իսրայելից գնել ավելի շատ զինտեխնիկա։
The post Թուրքական մամուլի արձագանքը Հայաստանի, Հունաստանի և Կիպրոսի միջև կնքված համագործակցության ծրագրին appeared first on ԳԱԼԱ.