«Ал-Ҳилол» «Манчестер Сити»га 70 миллион евролик расмий таклиф юборди
«Ал-Ҳилол» «Манчестер Сити»га Бернарду Силва учун расмий таклиф юборди.
CBS Sports нашри хабарига кўра, Саудия Арабистони клуби инглизларга Бернарду учун 70 миллион евро тўлашга тайёрлигини билдирган. 28 ёшли ярим ҳимоячига йилига 50 миллион евро таклиф қилинади – бу унинг «Манчестер Сити»да оладиган маошидан анча кўп.
Айни дамда Бернарду фаолиятини давом эттириш учун тўртта вариантдан бирини танламоқда – португалиялик футболчига “Ал-Ҳилол”дан ташқари, “ПСЖ” ва “Барселона” қизиқиш билдирмоқда. «Манчестер Сити» ўз навбатида Бернарду билан шартномани узайтиришдан манфаатдор.
Аввалроқ Бернарду фаолиятини Европада давом эттириш устувор вазифа экани, аммо Саудия Арабистонига кўчиб ўтиш ҳали ҳам мумкинлиги ҳақида хабар берилганди.