Ադրբեջանը դարձյալ փակել է Արցախը Հայաստանին կապող միակ ճանապարհը ԿԽՄԿ-ի մեքենաների համար
Հաղորդագրության համաձայն, Հայաստանից ուղևորվող հայերի կողմից տեղափոխվող «ապօրինի բեռների մեջ եղել են, մասնավորապես, ծխախոտ, բջջային հեռախոսների էկրաններ, բենզին»:
«Չնայած նրան, որ Կարմիր խաչի միջազգային կոմիտեն պաշտոնական ուղիներով նախազգուշացվել է այդ մասին, անօրինական գործողությունները կրկնվել են, և դրանք զսպելու համար անհրաժեշտ քայլեր չեն ձեռնարկվել», - ասվում է հաղորդագրությունում։
Ադրբեջանի պետական սահմանապահ ծառայություն տեղեկացնում է, թե հարուցվել է քրեական գործ, անցակետը փակվել է մինչև քննության ավարտը:
Կարմիր խաչի միջազգային կոմիտեն դեռ չի արձագանքել Բաքվի մեղադրանքերին։ Ստեփանակերտը ևս չի անդրադարձել Հակարիի կամուրջը փակելու Արդբեջանի հերթական պատճառաբանությանը։
Արցախի իշխող «Ազատ հայրենիք» խմբակցության ղեկավար Արթուր Հարությունյանը համոզված է, որ Ադրբեջանի համար սա հերթական առիթն էր Արցախը Հայաստանին կապող միակ ճանապարհը կրկին՝ ամբողջապես փակելու համար. - «Ակնհայտ երևում է, որ Ադրբեջանը ուղղակի փնտրում էր էդպիսի պատրվակներ, որպեսզի վերջնականապես փակի նաև այդ միակ ճանապարհը, որով դեղամիջոցներ և բժշկական պարագաներ էին ներմուծվում»։
Իշխանական պատգամավորը շեշտում է, որ անցակետով որևէ արգելված բան չի տեղափոխվել՝ ո'չ թմրանյութ, ո'չ զենք։ Եղածը բենզին է, որ Արցախում սպառման եզրին է, ծխախոտներ, հեռախոսներ, որ հիվանդ հարզատներին Հայաստան տեղափոխած քաղաքացիների մոտ է եղել. - «Իրենց համար տեղափոխվող ապրանքներ են, որոնք որ բուժառուները տեղափոխելու ժամանակ իրենց հետ տեղափոխում են Ստեփանակերտից Երևան, Երևանից Ստեփանակերտ»։
Լաչինի միջանցքն ամբողջական փակելու Ադրբեջանի քայլին Հայաստանի արտգործնախարարությունից են արձագանքել։ Գերատեսչոեւթյանը խոսնակը գրել է, որ ավելի շատ միջազգային ջանքեր և գործողություններ են անհրաժեշտ Լեռնային Ղարաբաղի 7-ամսյա շրջափակումը վերացնելու, էթնիկ զտումները կանխելու համար։
«Լաչինի միջանցքում ապօրինի անցակետ տեղադրելուց ի վեր Ադրբեջանը, հակառակ Միջազգային դատարանի որոշման, բազմիցս արգելել է անգամ Կարմիր խաչի միջազգային կոմիտեի տեղաշարժը՝ ներառյալ բժշկական տարհանումը», - գրել է Անի Բադալյանը։
Միայն Կարմիր Խաչի մեքենաների համար տեղաշարժը Հակարիի կամրջով վերականգնվել էր հունիսի 25-ից։ Մինչ այդ հունիսի 15-ից սկսած՝ անցակետին մոտ՝ Հայաստանի տարածքում ադրբեջանական դրոշի տեղադրման կրակոցներով ուղեկցված միջադեպից հետո Ադրբեջանը արգելել էր բոլոր տեսակ փոխադրումները, այդ թվում՝ ռուս խաղապահների համար։ Արդեն գրեթե 1 ամիս է, սննունդ ու այլ ահնրաժեշտ ապրանքներ Արցախ չեն մտնում։ Հայաստանից նաև ամիսներ շարունակ ո'չ հոսանք, ո'չ էլ գազ է մտնում Արցախ։ Հուլիսի 8-ին Ադրբեջանը վերականգնել էր կապույտ վառելիքի մատակարարումը, սակայն մի քանի ժամ անցած կրկին անջատել այն։