უკრაინაზე დრონებით თავდასხმა იყო

რუსეთის საოკუპაციო ძალებმა უპილოტო საფრენი აპარატებით უკრაინაზე მიიტანეს მორიგი შეტევა, რომლის ძირითადი სამიზნე იყო დედაქალაქი კიევი და კიევის ოლქი. წუხანდელი თავდასხმის გამო გამოცხადებული იყო საჰაერო განგაში და ამოქმედებული იყო საჰაერო თავდაცვის სისტემა.


უკრაინის საჰაერო თავდაცვის ძალების მიერ დღეს დილით გამოქვეყნებული მონაცემებით, მოწინააღმდეგის მიერ გამოყენებული 28 დამრტყმელი დრონიდან 26 გაანადგურეს.


უკრაინის შსს-ს ინფორმაცით, კიევის ოლქში დაზიანებულია რამდენიმე ნაგებობა. წინასწარი მონაცემებით, არავინ დაშავებულა.