د ورزش يوه مدافع ټولنه: د نجونو د ورزش په خاطر بايد طالبانو سره حساب کتاب وشي
د ځواک او ورزشي ظرفیت د مدافعانو د نړیوال ايتلاف په نوم د ټولنې مشرې اندریا فلورنس پرون پر خپل ټویټر لیکلي چې له افغان ښځو او نجونو څخه د ورزش حق تروړل شوی دی نو په کار ده، چې د طالبانو له حکومت او د ورزش له مسوولو ادارو څخه یې پوښتنه وشي.
مېرمن فلورنس همدا راز لیکلي چې د المپیک نړیواله کمېټه او د فوټبال نړیوال فدراسیون یا فیفا په دې برخه کې مهم رول لري.
طالبانو د ۲۰۲۱ کال په اګست میاشت کې پر افغانستان له واکمنېدو وروسته د نجونو او ښځو پر ورزش کلک بندیز ولګاوه.