Ադրբեջանի նախագահն արդեն Քիշնևում է․ հանդիպել է Մոլդովայի նախագահի, վարչապետի հետ
Ադրբեջանի նախագահ ԻԼհամ Ալիևն արդեն Մոլդովայի մայրքաղաք Քիշնևում է։ Քիշնև է մեկնել նաև Հայաստանի վարչապետ Նիկոլ Փաշինյանը։
Քիշնևում Ալիևը հանդիպել է Մոլդովայի Հանրապետության նախագահ Մայա Սանդուի հետ։
Այնուհետև հանդիպել է Մոլդովայի վարչապետ Դորին Ռեչանի հետ։
Այլ մանրամասներ չեն հաղորդվում։
Հայաստանի վարչապետ Նիկոլ Փաշինյանի մասով դեռ պաշտոնական տեղեկություններ չկան։
Հունիսի 1-ին Մոլդովայի մայրաքաղաք Քիշնևում տեղի կունենա Եվրոպական քաղաքական համայնքի հանդիպումը։ 47 պետությունների և կառավարությունների ղեկավարներ հրավիրված են մասնակցելու Եվրոպական քաղաքական համայնքի այս երկրորդ հանդիպմանը: Հրավիրված են նաև Եվրոպական խորհրդի նախագահը, Եվրահանձնաժողովի նախագահն ու Եվրախորհրդարանի նախագահը։
Նախատեսվում է նաև հնգակողմ հանդիպում անցկացնել Գերմանիայի կանցլեր Օլաֆ Շոլցի և Ֆրանսիայի նախագահ Էմանուել Մակրոնի մասնակցությամբ՝ Եվրոպական քաղաքական համայնքի գագաթնաժողովի շրջանակում: Միջնորդի գլխավոր դերակատարը Եվրախորհրդի նախագահ Շառլ Միշելն է։