Алматы облысында ер адам қыздарын зорлады деп айыпталды: апалы-сіңілі полиция қорғауына алынды
28 мамырда 2001 жылғы Ц. мен 2003 жылғы Ц. өтініштері бойынша Еңбекшіқазақ ауданы ПБ СДТБТ-ға ҚР ҚК-ның 121-бабы 4-бөлігі бойынша екі қылмыстық іс тіркелген - "Сексуалдық сипаттағы зорлық-зомбылық әрекеттері".
"Жүргізілген тергеу әрекеттері мен жедел-іздестіру іс-шараларымен жәбірленушілердің әкесі 57 жастағы күдікті Ц. есімді ер адам анықталды. Қазіргі уақытта қылмыстық құқық бұзушылық фигурантымен аса ауыр қылмыстардың мән-жайы жан-жақты, толық және объектив зерттеуге бағытталған барлық қажетті тергеу әрекеті жүргізіліп жатыр. Тиісті сараптамалық зерттеулер тағайындалды", - делінген хабарламада.
Жәбірленуші қыздар соталды тергеу жүргізу кезінде полицейлердің қорғауына алынғаны айтылды. Күдікті ҚР ҚІЖК-ның 128-бабы тәртібімен ұсталып, уақытша ұстау оқшаулағышына қамаққа алынған. Тергеу барысы облыс Полиция департаменті бастығының бақылауында.
Сілтемесіз жаңалық оқисыз ба? Онда Telegram желісінде парақшамызға тіркеліңіз!