Ստեփանակերտում տեղի է ունեցել ֆուտբոլային հանդիպում` նվիրված Հայաստանի առաջին Հանրապետության օրվան
Այսօր`մայիսի 28-ին, մայրաքաղաքի Ստեփան Շահումյանի անվան հանրապետական մարզադաշտում տեղի է ունեցել ֆուտբոլային հանդիպում «Լեռնային Արցախ» և «Լեռնային Արցախ 07» թիմերի միջև:
«Արցախպրես»-ի թղթակցի հաղորդմամբ` Խաղը կազմակերպվել է Արցախի Հանրապետության ԿԳՄՍ նախարարության նախաձեռնությամբ։
Ներկա էր նաեւ ԱՀ ԿԳՄՍ նախարար Նորայր Մկրտչյանը։
Մեզ հետ զրույցում ԿԳՄՍ նախարարության աշխատակազմի սպորտի վարչության պետ Դանիել Մկրտչյանը նշել է, որ միջոցառման նպատակն առաջին հերթին սպորտի հանրայնացումն է է, ինչպես նաև ստեղծված իրավիճակում հանրության առօրյային աշխուժության հաղորդելը։
Հայաստանի առաջին Հանրապետության օրվան նվիրված մարզամշակութային միջոցառմանը կատարումներով են հանդես եկել «Մենք ենք մեր սարերը» երգի-պարի պետական, «Արցախի ձայներ» եւ «Ղարաբաղ» էստրադային համույթներն ու Ստեփանակերտի Արվեստի դպրոցի պարի խումբը։
Խաղն ավարտվել է 2:1 հաշվով՝ հօգուտ «Լեռնային Արցախ» թիմի։