თიკა კანდელაკი: …უბრალოდ, მათ ვეტყოდი, რომ ჩვენ მშვენიერი ლეონიდ სლუცკი გვყავს, რომელიც უსაქმოდ ზის
თიკა კანდელაკი კრიშტიანო რონალდოს კლუბ “ალ ნასრის” ურჩევს მთავარ მწვრთნელად ხვიჩა კვარაცხელიას ყოფილი დამრიგებელი ლეონიდ სლუცკი დანიშნოს.
“ზიდანმა უარი თქვა იმ კლუბის გაძღოლაზე, სადაც კრიშტიანო რონალდო თამაშობს. მას 2 წლის განმავლობაში 150 მილიონ ევროს სთავაზობდნენ.
შესაძლოა, გასაკვირი იყოს ასეთ მოკლე და დიდსულოვან კონტრაქტზე უარის თქმა, მაგრამ ზიდანი ყოველთვის განსაკუთრებული იყო.
ის ერთადერთი მწვრთნელია, რომელმაც ჩემპიონთა ლიგა ზედიზედ სამჯერ მოიგო. ფრანგმა მანამდე უარი “მანჩესტერ იუნაიტედზე” თქვა, რადგან კლუბის მდგომარეობა თავისი ამბიციების განსახორციელებლად არასახარბიელოდ მიიჩნია. დაე, საუდის არაბეთის წარმომადგენლებმა სხვა მწვრთნელი ეძებონ. უბრალოდ, მათ ვეტყოდი, რომ ჩვენ მშვენიერი ლეონიდ სლუცკი გვყავს, რომელიც უსაქმოდ ზის”, – დაწერა კანდელაკმა ტელეგრამ არხზე.