აშშ-ის პრეზიდენტი ჯო ბაიდენი საქართველოს პრეზიდენტს და ქართველ ხალხს, ამერიკელი ხალხის სახელით დამოუკიდებლობის დღეს ულოცავს
აშშ-ის პრეზიდენტი ჯო ბაიდენი საქართველოს პრეზიდენტს და ქართველ ხალხს, ამერიკელი ხალხის სახელით დამოუკიდებლობის დღეს ულოცავს. მისალოც წერილს სალომე ზურაბიშვილი ფეისბუქით ავრცელებს.
“ამერიკელი ხალხის სახელით, გიგზავნით საუკეთესო სურვილებს თქვენ და ქართველ ხალხს, რომელიც დამოუკიდებლობის დღეს აღნიშნავს.
სამ ათეულ წელზე მეტი ხნის განმავლობაში, საქართველოსა და შეერთებულ შტატებს შორის პარტნიორობა ხელს უწყობს მშვიდობისა და კეთილდღეობის განვითარებას რეგიონში და მთელ მსოფლიოში. ორი ქვეყნის ხალხს აქვს მდგრადი და განუყოფელი კავშირი, რომელიც დაფუძნებულია ჩვენს მჭიდრო კავშირებზე და საერთო ღირებულებებზე – მათ შორის დემოკრატიასა და კანონის უზენაესობაზე. ჩვენ ერთად ვდგავართ, რათა დავეხმაროთ საქართველოს სწრაფვას შემდგომ ევროატლანტიკურ ინტეგრაციაში, მათ შორის ევროკავშირსა და ნატოში.
შეერთებული შტატები განაგრძობს საქართველოს სუვერენიტეტისა და ტერიტორიული მთლიანობის მხარდაჭერას და რუსეთის აგრესიის (რაც საქართველოს ტერიტორიების ოკუპაციითა და კონფლიქტის გაღვივების მცდელობებით გამოიხატება) წინააღმდეგ დგომას.
მომდევნო წლებში, მოუთმენლად ველი საქართველოსა და შეერთებულ შტატებს შორის პარტნიორობის კიდევ უფრო გაძლიერებას, ჩვენი ხალხის უფრო უსაფრთხო მომავლისთვის. გისურვებთ ბედნიერ ეროვნულ დღესასწაულს.
პატივისცემით,
ჯოზეფ ბაიდენ უმცროსი. ” ნათქვამია აშშ-ის პრეზიდენტის წერილში.