სალომე ზურაბიშვილი დამოუკიდებლობის დღის აღსანიშნავ ღონისძიებაზე მომხდარ ინციდენტზე – არანაირი რეპლიკა არ მაინტერესებს
პრეზიდენტის განცხადებით, ევროპარლამენტში სიტყვით გამოსვლისას, ბრიუსელში მისი მთავარი სათქმელი იქნება – „ჩვენი ევროპული მომავალი”. ამის შესახებ მან ჟურნალისტებთან რუსთაველის გამზირზე განაცხადა.
კითხვაზე, რა იქნება თქვენი მთავარი მესიჯი ბრიუსელში ვიზიტისას, სალომე ზურაბიშვილი პასუხობს – “ჩვენი ევროპული მომავალი”.
პრეზიდენტმა ასევე უპასუხა კითხვას, თავისუფლების მოედანზე, დამოუკიდებლობის დღის აღსანიშნავ ღონისძიებაზე მომხდარ ინციდენტთან დაკავშირებით, რა დროსაც, გავრცელებული ინფორმაციით, პარლამენტის დეპუტატმა ირაკლი ქადაგიშვილმა პრეზიდენტს მოღალატე უწოდა.
„არანაირი რეპლიკა არ მაინტერესებს,”- აცხადებს სალომე ზურაბიშვილი.
კითხვაზე, შეხვედრია თუ არა ირაკლი ქადაგიშვილს, პრეზიდენტი პასუხობს: “კი და ძალიან კარგი ურთიერთობა გვქონია.”
გარდა ამისა, სალომე ზურაბიშვილმა უპასუხა პრეზიდენტის ადმინისტრაციასთან, “მთავარი არხის” გენერალური დირექტორის, ნიკა გვარამიას გათავისუფლების მოთხოვნით ხვალ დაგეგმილ აქციასთან დაკავშირებულ კითხვასაც. პრეზიდენტის პასუხი გვარამიას საკითხზე ასეთია: „პოზიცია არის ის, რომ თავისუფლება არის მთავარი”.
ამ წუთებში პრეზიდენტი სალომე ზურაბიშვილი რუსთაველის გამზირზე იმყოფება.
სახელმწიფოს მეთაური 26 მაისის აღსანიშნავად გამოსულ მოქალაქეებს ხვდება.
პრეზიდენტი მოქალაქეებს საქართველოს დამლუკიდებლობის დღეს ულოცავს.