ბათუმში, ფიროსმანის ქუჩაზე საცხოვრებელ კორპუსში ხანძარია
ბათუმში, ფიროსმანის ქუჩაზე საცხოვრებელი კორპუსის მე-16 სართულზე ძლიერი ხანძარია.
ცეცხლი ერთ-ერთ ბინაში გაჩნდა.
ხანძრის კერა მეხანძრეებმა უკვე ჩააქრეს, თუმცა სართულები დაკვამლიანებულია.
პირველადი ინფორმაციით, ხანძრის შედეგად არავინ დაშავებულა. როგორც ადგილზე ამბობენ, ბინა უცხოელ სტუდენტებს აქვთ ნაქირავები, რომლებიც სახლში არ იმყოფებოდნენ.
კორპუსში მცხოვრები მოსახლეობის ნაწილი ამ ამ დროისთვის თავს იკავებს სახლში შესვლისგან, დაკვამლიანების გამო. შენობაში ხანძრის გამო გამორთული იყო ელექტროენერგია.
ფიროსმანისა და ინასარიძის ქუჩების კვეთა, რომელიც ხანძრის გამო ჩაკეტილი იყო, ამჟამად გახსნილია, თუმცა ჩაკეტილი რჩება გენერალ აბაშიძის ქუჩა.
შემთხვევის ადგილზე შესაბამისი სამსახურების წარმომადგენლები არიან მობილიზებული.
კორპუსის მცხოვრებთა ნაწილმა შენობა უსაფრთხოების მიზნით დატოვა.