Եթե մենք հասնենք հարցերի լուծմանը, դա օգուտ կբերի ամբողջ տարածաշրջանին. Պուտինը՝ Փաշինյանին
Ինչ վերաբերում է Ղարաբաղի շուրջ կարգավորման հետ կապված զգայուն հարցերին, ես և վարչապետ Փաշինյանը ևս մեկ անգամ դեմ առ դեմ քննարկեցինք այս ամենը։ Մենք դեռ հնարավորություն կունենանք եռակողմ ձևաչափով խոսել տրանսպորտային կապերի ապաշրջափակման հարցերի շուրջ։ Հարցերը շատ կարևոր են և զգայուն։ Այս մասին ասաց Ռուսաստանի Դաշնության նախագահ Վլադիմիր Պուտինը ՀՀ վարչապետ Նիկոլ Փաշինյանի հետ հանդիպմանը։
«Համոզված եմ, որ եթե ի վերջո, չնայած բոլոր դժվարություններին, հասնենք այդ հարցերի լուծմանը, ապա դա անկասկած օգուտ կբերի և՛ Հայաստանին, և՛ Ադրբեջանին, և ոչ միայն երկու երկրներին, այլև ամբողջ տարածաշրջանին, քանի որ շատ պետություններ շահագրգռված են։ Եվ դա կնպաստի հարաբերությունների կարգավորմանը բոլոր ուղղություններով, այդ թվում՝ քաղաքական՝ այս տարածքում ապրող մարդկանց անվտանգության ապահովման առումով»,- ասաց նա։
Պուտինը նաև ասել է, որ Ռուսաստանը երբեք չի փոխել իր դիրքորոշումը Լաչինի միջանցքի հարցում։