მედია: “ფეისბუქპოსტზე” დაწერილი კომენტარის გამო 19 წლის ბიჭი სასიკვდილოდ გაიმეტეს
“ფეისბუქპოსტზე” დაწერილი კომენტარის გამო 19 წლის ბიჭი სასიკვდილოდ გაიმეტეს. სოციალურ ქსელში კონფლიქტის შემდეგ შაკო ქაშაკაშვილი საქმის გასარჩევად დიდუბეში დაიბარეს. ახალგაზრდა ბიჭს დანა მუცელში ჩაარტყეს და ქუჩაში ასე დატოვეს. მსხვერპლი სისხლისგან დაიცალა. როდესაც ის გამვლელებმა საავადმყოფოში გადაიყვანეს, გადარჩენა უკვე შეუძლებელი იყო
მომხდარზე დაკავებულია 20 წლის გიორგი იორაშვილი. ის ბრალის წარდგენას იზოლატორში ელოდება, მანამდე კი დუმილის უფლებას იყენებს. პოლიციამ შემთხვევის ადგილიდან უკვე ამოიღო კამერების ჩანაწერები, რითაც გაქცეული დამნაშავის გადაადგილების მარშრუტის დადგენა, შემდეგ კი მისი დაკავება მოხდა.
“პირველების” ინფორმაციით, სამართალდამცველებმა უკვე გაშიფრეს ახალგაზრდებს შორის არსებული მიმოწერაც, რომლითაც მკვლელობის მოტივის დადგენა იქნება შესაძლებელი.