Vyorstka: ბახმუტისთვის ბრძოლაში "ვაგნერმა" დაკარგა 500-ზე მეტი წევრი
გამოცემამ გააანალიზა "ვაგნერის" წევრების ნათესავების საინტერნეტო შეტყობინებები და დაადგინა დროის ის შუალედები, როცა ჯგუფი ყველაზე დიდ დანაკარგს განიცდიდა. ამავე დროს, ჟურნალისტებმა ეს მონაცემები შეუფარდეს აშშ-ის ომის შემსწავლელი ინსტიტუტის მასალებს, აღადგინეს ქალაქისთვის ბრძოლათა მიმდინარეობა და დაადგინეს რომელი შეტაკებები იყო ყველაზე დიდი მსხვერპლის მომტანი ჯგუფისათვის.
პარალელურად, "ვაგნერის" ხელმძღვანელი ევგენი პრიგოჟინი აცხადებს, რომ მისი დაჯგუფების მეომრები აღმოსავლეთ უკრაინის ქალაქ ბახმუტს დატოვებენ 25 მაისიდან 1 ივნისამდე პერიოდში.
პრიგოჟინი ახლახან აცხადებდა, რომ "ვაგნერის' მებრძოლებმა ბახმუტი დაიკავეს, ყველაზე ხანგრძლივი და სისხლიანი ბრძოლის მერე, რაც 2022 წლის თებერვალში რუსეთი უკრაინაში შეიჭრა. კიევი უარყოფს ცნობას ბახმუტის დაცემაზე.