Бугарија:ГЕРБ и ПП-ДБ договорија владина коалиција со ротирачки премиери
Во првите 9 месеци премиер ќе биде Николај Денков од ПП, а вицепремиер и министер за надворешни работи Марија Габриел од ГЕРБ. Следните 9 месеци Габриел ќе стане премиер, а Денков вицепремиер.
Ова го соопштија на заедничка прес конференција Габриел и Денков по разговорите меѓу ПП-ДБ и ГЕРБ . Оваа информација беше објавена на само еден час пред пред кандидатката за премиер на првата политичка сила ГЕРБ, Марија Габриел, да го врати првиот мандат на претседателот Румен Радев.
Останатите имиња на составот и структурата на кабинетот како и на министрите засега не се соопштуваат.
ГЕРБ успеа да добие поддршка само од ДПС, со која во парламентот собира вкупно 105 пратеници , откако во неделата доцна во неделата партијата на Слави Трифонов „Има таков народ“ (ИТН) ја повлече претходно наведената поддршка. За мнозинство се потребни најмалку 121 пратеник.
„Невозможно е да се реализира поддршка за првиот мандат“, рече Денков.
Според него, ПП-ДБ ќе предложи влада што ќе ги спроведе уставните и судските реформи, ќе ги исполни сите барања поврзани со полноправното членство на Бугарија во ЕУ, вклучително и Шенген и еврозоната, ќе спроведе реформи во судството и ќе придонесе до 3 отсто во редовен буџетски дефицит.
„Оваа влада ќе работи најмалку 18 месеци со поддршка на првата политичка сила во парламентот“, рече Денков.
Тој додаде дека ќе поднесе оставка доколку не се исполнат овие услови или ако се променат приоритетите на Владата.Двете политички сили се договорија промените во првичниот кадровски состав и структура на Советот на министри да се прават само со согласност на двете страни.
На 2 април во Бугарија се одржаа петтите по ред предвремени парламентарни избори за две години. ГЕРБ победи на изборите, но со недоволна поддршка за самостојно владеење.