«Ինտերի» մամուլի ծառայությունը՝ Մխիթարյանի վնասվածքի վերաբերյալ
0
Հայաստանի ազգային հավաքականի նախկին ավագ Հենրիխ Մխիթարյանն այսօր բուժզննում է անցել: Այս մասին հայտնում է «Ինտերի» մամուլի ծառայությունը։
Հայ ֆուտբոլիստի մոտ ձախ ազդրի առջևի ուղիղ մկանի լարվածություն է ախտորոշվել: Նրա վիճակը կվերագնահատվի առաջիկա օրերին։
Մխիթարյանը վնասվածք էր ստացել Չեմպիոնների լիգայի կիսաեզրափակչի՝ «Միլանի» հետ պատասխան խաղում։ Հայ ֆուտբոլիստը չէր կարողացել շարունակել հանդիպումն ու փոխարինվել էր 43-րդ րոպեին։
Հիշեցնենք, որ մայիսի 24-ին «Ինտերը» Իտալիայի գավաթի եզրափակչում կմրցի «Ֆիորենտինայի» հետ։
Հունիսի 10-ին միլանյան թիմը Չեմպիոնների լիգայի եզրափակչում կխաղա «Մանչեսթեր Սիթիի» հետ։
«Ինտերի» հաջորդ հանդիպումը կկայանա մայիսի 21-ին՝ «Նապոլիի» հետ։
The post «Ինտերի» մամուլի ծառայությունը՝ Մխիթարյանի վնասվածքի վերաբերյալ appeared first on ԳԱԼԱ.