Хотинидан қасд олмоқчи бўлган самарқандлик шахс икки ўғилчасини ўлдирди
Қайд этилишича, 39 ёшли шахс Россияга ишлашга кетган хотинининг бегона шахслар билан интим видеоларини кўргач, у билан телефонда жанжаллашган. Шундан кейин у хотинидан ўч олиш қасдида 6 ва 8 яшар ўғилчаларини сим билан бўғиб ўлдирган.
Қотилликдан сўнг у Тойлоқ туман ички ишлар бўлимига бориб, воқеани баён қилган.
“Ҳолат юзасидан Жиноят кодексининг 97-моддаси (Қасддан одам ўлдириш) 2-қисми “а,в” бандлари билан жиноят иши қўзғатилган”, дейилган хабарда гумонланувчининг процессуал тартибида ушлангани қўшимча қилинади.