ლარი დოლართან თითქმის 5 თეთრით გაუფასურდა

რამდენიმეთვიანი გამყარების შემდეგ, ლარი დოლართან მიმართებით გაუფასურდა. ხვალიდან, 11 მაისიდან, დოლარი 4,64 თეთრით ძვირი ეღირება. განახლებული ოფიციალური კურსის შესახებ ინფორმაცია ეროვნული ბანკის ვებსაიტზე გამოქვეყნდა. ბანკის მიერ დადგენილი კურსის მიხედვით, 1 აშშ დოლარის ოფიციალური ღირებულება 2,5294 ლარი გახდა.



საქართველოს ეროვნული ბანკის ინფორმაციით, ეროვნული ვალუტა ევროსთან მიმართებაში 3 თეთრით გაუფასურდა, რის შედეგადაც ერთი ევროს ოფიციალური ღირებულება 2,7707 ლარია.


ეროვნული ბანკის მიერ ოფიციალური კურსის გამოცხადების მომენტში, თბილისის დროით 17:00 საათზე, Bloomberg-ის სავაჭრო სისტემაში ლარი კიდევ უფრო გაუფასურებული იყო და 1 აშშ დოლარის ღირებულება 2,5750 ლარს შეადგენდა.