Vaz 2101-ը Դիլիջանի ոլորանում մասամբ կողաշրջվել է․ ընտանիքի 3 անդամներ տեղափոխվել են հիվանդանոց
Մայիսի 7-ին ավտովթար է տեղի ունեցել Տավուշի մարզում. ժամը 19:20-ի սահմաններում Vaz 2101 մակնիշի ավտոմեքենան Երևան-Սևան-Իջևան ավտոճանապարհի 95 կմ-ին՝ Դիլիջանի ոլորանում, դուրս է եկել երթևեկելի գոտուց, և մասամբ կողաշրջվելով, հայտնվել ձորակի եզրին։ Գրել է Shamshyan.com-ը։
Վթարի հետևանքով 3 հոգի օպերատիվորեն դեպքի վայր ժամանած Դիլիջանի հիվանդանոցի շտապօգնության բժիշկների կողմից նախ տեղում առաջին բուժօգնությունն են ստացել, ապա տեղափոխվել «Դիլիջան» բժշկական կենտրոն։
Դեպքի վայր են ժամանել ՀՀ Ներքին գործերի նախարարության փրկարար ծառայության Դիլիջանի թիվ 63 հրշեջ-փրկարական ջոկատից 1 մարտական հաշվարկ։ Օպերատիվորեն ժամանել են նաև ՀՀ ՆԳՆ Ոստիկանության պարեկային ծառայության Տավուշի մարզի գումարտակի պարեկները։ Ժամանել են նաև ոստիկանության Դիլիջանի բաժնի հերթապահ խումբը։
Վթարի մասին ոատիկանության Դիլիջանի բաժնից տեղեկությունը փոխանցել են Հայաստանի քննչական կոմիտեի Տավուշի մարզային քննչական վարչություն, որտեղից ժամանել է քննչական խումբը։ Վթարի փաստով քննչական վարչությունում նութեր են նախապատրաստվում։ Ոստիկանությունն ու քննչական վարչությունը պարզում են վարորդի և վիրավորների ինքնությունը։
Ըստ նախնական տեղեկությունների՝ դեպքը տեղի է ունեցել Դիլիջանից դեպի ոլորաններ բարձրացող Կամոյի անվան փողոցում և վթարի պատճառը եղել է ավտոմեքենայի անիվներից մեկի ծակվելը, ինչն էլ դարձել է վթարի պատճառ, վիրավորներն էլ ընտանիքի անդամներ են։
Հայտնել է ՀՀ ներքին գործերի նախարարության փրկարար ծառայությունը հայտնել է, որ ժամը 18:22-ին Տավուշի մարզային ճգնաժամային կառավարման կենտրոն տեղեկություն է ստացվել, որ Դիլիջան-Երևան ավտոճանապարհին տեղի է ունեցել ՃՏՊ. կան տուժածներ:
«Պարզվել է, որ Երևան-Իջևան ավտոճանապարհի 95-րդ կմ-ին «VAZ-2101» մակնիշի ավտոմեքենան (վարորդ՝ Է. Մ., ծնված 2002 թ.) դուրս է եկել ճանապարհի երթևեկելի հատվածից (մոտ 1մ), բախվել ճանապարհի մետաղյա արգելապատնեշին և կախվել դեպի ձորակը:
Մինչ փրկարարների կանչի վայր հասնելը՝ վարորդը, ուղևորներ Ն. Մ.-ն (ծնված 1977 թ.), Լ. Մ.-ն (ծնված 1999 թ.) և Ա. Մ.-ն տեղի ուժերով դուրս են բերվել ավտոմեքենայից և հոսպիտալացվել Դիլիջան քաղաքի ԲԿ, որտեղ բժիշկները տուժածների առողջական վիճակը գնահատել են բավարար:
Փրկարարները հոսանքազրկել են ավտոմեքենան և սահմանազատել տարածքը»,- ասված է հաղորդագրության մեջ: