Менскае „Дынама” зрабіла кваліфікацыйныя прапановы Алістраву, Душаку і яшчэ шасці гульцам
Менскае „Дынама” зрабіла кваліфікацыйныя прапановы васьмі гульцам, паведамляе афіцыйны сайт КХЛ. У спіс абмежавана вольных агентаў увайшлі: брамнік Антон Масальскі; абаронцы Дзмітрый Дзярабін, Джозэф Душак, Ілля Сушко, Сяргей Сапега; нападнікі Уладзімір Алістраў, Ігар Мартынаў і Нік Мёрклі. Раней стала вядома, што 11 гульцоў менскага „Дынама” сталі неабмежавана свабоднымі агентамі З сённяшняга дня любы з іх можа перайсці ў любы клуб КХЛ без кампенсацыі.
Азаранка выйшла ў чвэрцьфінал парнага разраду турніру ў Мадрыдзе
Беларуска Вікторыя Азаранка і бразільская тэнісістка Беатрыс Хадад Майя сталі чвэрцьфіналісткамі парнага разраду турніру катэгорыі WTA-1000 у Мадрыдзе з прызавым фондам 7 мільёнаў 600 тысяч даляраў.
У першым раўндзе беларуска-бразільскі дуэт абыграў амерыкана-нідэрладскі тандэм Дэзірэ Краўчык / Демі Схюрс – 6:2, 3:6, 10:7, а ў 1/8 фіналу павінен быў сустрэцца з амерыканкай Кэці Макнелі і расейкай Ганнай Калінскай, але яны не выйшлі на корт. У чвэрцьфінале Вікторыя Азаранка і Беатрыс Хадад Майя будуць супернічаць з іспана-амерыканскай парай Паўла Бадоса / Бетані Матэк-Сандс.
Сёння ў 1/8 фіналу адзіночнага разраду другая ракетка планеты беларуска Арына Сабаленка сустрэнецца з 16-гадовай расейкай Мірай Андрэевай, якая займае 194-е месца ў сусветным рэйтынгу.
Занкавец, Макрыцкі і Громаў развіталіся з „Югрой”
Тры беларускія спецыялісты — Эдуард Занкавец, Аляксандр Макрыцкі і Сяргей Громаў — пакідаюць „Югру”, перадае афіцыйны сайт клуба.
Эдуард Канстанцінавіч узначаліў „Югру” летам 2022 года і здолеў прывесці каманду да трэцяга запар Кубка Шаўковага шляху, дзякуючы перамозе ў рэгулярным чэмпіянаце ВХЛ. У 50 матчах „Югра” набрала 78 ачкоў, захаваўшы адрыў ад другога месца ў сем балаў.
Аднак у першым раундзе плэй-оф „маманты” раптоўна саступілі „Гарняку”-УГМК з лікам 2-4, які заскочыў у розыгрыш Кубка Пятрова з 16-га месца. Макрыцкі і Громаў працавалі ў штабе Занкаўца.
„Голдэн Стэйт” на выездзе разграміў „Сакрамэнта” і выйшаў у 1/4 фіналу
У сёмым, вырашальным, матчы серыі да чатырох перамог 1/8 фіналу плей-оф НБА „Голдэн Стэйт” разграміў на выездзе „Сакрамэнта”. Лік сустрэчы 120:100. Зорны разыгрываючы „Голдэн Стэйт” Стэфэн Кары
набраў 50 ачкоў.
На цырымоніі адкрыцця ЧС па боксе зборныя Беларусі і Расеі былі прадстаўленыя пад дзяржаўнымі сцягамі.
У Ташкенце ў комплексе Humo Arena прайшла ўрачыстая цырымонія адкрыцця мужчынскага чэмпіянату свету па боксе, які праходзіць пад эгідай IBA. Падчас цырымоніі зборныя Беларусі і Расеі былі прадстаўленыя публіцы пад іх дзяржаўнымі сцягамі. На чэмпіянаце свету з 1 па 15 траўня будзе разыграны рэкордны прызавы фонд за ўсю гісторыю правядзення такіх мерапрыемстваў. За першае месца спартоўцы атрымаюць 200 000 даляраў ЗША, за другое – 100 000, за трэцяе – 50 000 у кожнай з 13 вагавых катэгорый. Удзел прымуць 640 баксёраў са 104 краін свету. Зборная Беларусі прадстаўлена ў 8 вагавых катэгорыях.
Беларускае Радыё Рацыя
Artykuł Менскае „Дынама” зрабіла кваліфікацыйныя прапановы Алістраву, Душаку і яшчэ шасці гульцам pochodzi z serwisu БЕЛАРУСКАЕ РАДЫЁ РАЦЫЯ.