ლენინგრადის ოლქში სავარაუდოდ ააფეთქეს ელექტროგადამცემი ხაზის საყრდენი
ელექტროგადამცემი ხაზის მეზობელ საყრდენზე აღმოჩენილია უცნობი საგანი. დროზდენკო მიიჩნევს, რომ ეს ასაფეთქებელი მოწყობილობა შეიძლება იყოს.
ცნობილია, რომ ინციდენტი მოხდა 1 მაისს, ნაშუაღამევს. გატჩინის რაიონის მოსახლეებმა აფეთქების ხმა გაიგონეს და დაინახეს. ელექტროგადამცემი ხაზის წაქცეული საყრდენი გარიჟრაჟზე აღმოაჩინეს საგანგებო სამსახურის თანამშრომლებმა.
ახლა სავარაუდო დივერსიის ადგილზე მუშაობენ ასაფეთქებელი მოწყობილობების სპეციალისტები და ფსბ-ს თანამშრომლები. როგორც იტყობინებიან, ოლქში არ დარღვეულა ელექტრომომარაგება.
განვლილ კვირაში აფეთქება მოხდა სანქტ-პეტერბურგის პუშკინის რაიონის ქალაქ პავლოვსკში, მიტოვებული საქვაბისა და საცხენოსნო კლუბის რაიონში. არავინ დაშავებულა. გამომძიებლებმა დაასკვნეს, რომ ამუშავდა ასაფეთქებელი მოწყობილობა, აღძრულია სისხლის სამართლის საქმე.