პავლოგრადის ხელისუფლება: რუსეთის იერიშის შედეგად დაშავებულთა რიცხვი 34-მდე გაიზარდა
ლისაკის თქმით, დაშავებულებს შორის არის რვა წლის გოგონა. ორი ქალი - 45 და 55 წლის - რეანიმაციაში იმყოფება, დაწერა მან ტელეგრამის არხში.
მანამდე ლისაკმა განაცხადა, რომ კვირას ღამით რუსეთის არმიამ სარაკეტო შეტევა განახორციელა დნეპროპეტროვსკის ოლქის ქალაქ პავლოგრადზე, რომელიც ქალაქ დნეპრის აღმოსავლეთით მდებარეობს.
ადმინისტრაციის ხელმძღვანელის თქმით, ქალაქში დაზიანდა სამრეწველო საწარმო, 19 მაღალსართულიანი კორპუსი, 25 კერძო სახლი, ექვსი სასკოლო და სკოლამდელი აღზრდის დაწესებულება და ხუთი მაღაზია.
უკრაინის შეიარაღებულმა ძალებმა განაცხადეს, რომ 1 მაისის ღამეს რუსეთის სამხედროებმა უკრაინას ესროლეს 18 ფრთოსანი რაკეტა, რომელთაგან 15 ჩამოაგდო უკრაინის საჰაერო თავდაცვამ.
რუსეთს ჯერ არ გაუკეთებია კომენტარი სარაკეტო თავდასხმის შესახებ ცნობებზე.