Мбаппе ҳали Париждан кетиш ҳақида қарор қабул қилмаган
Килиан Мбаппе «ПСЖ»ни тарк этиш устида ишламаяпти ва ҳозирча клубни тарк этиш-этмалик борасида бир қарорга келмаган.
Кеча «ПСЖ» Чемпионлар лигасининг 1/8 финал босқичида «Бавария»га умумий ҳисобда (0:1, 0:2) мағлуб бўлди.
Журналист Фабрицио Романонинг сўзларига кўра, ҳозирча Мбаппе атрофида ҳамма нарса тинч, бошқа клублар билан эҳтимолий трансфер борасида фаол алоқалар йўқ. Ҳозирча ҳеч қандай қарор қабул қилинмаган.
Жорий мавсумда Мбаппе жамоа ишларига жуда кўп аралашмоқда. У «ПСЖ» билан Чемпионлар лигасида ғалаба қозонишни жуда хоҳлайди.
Парижликлар Килиан атрофида жамоа қуриш учун уни сақлаб қолмоқчи.
Жорий мавсумда Мбаппе «ПСЖ» сафида барча турнирлар доирасида 31 та ўйинда майдонга тушиб, 30 та гол ва 7 та голли узатмага муаллифлик қилган.