Намойишлар ортидан Грузия ҳукмрон партияси “хорижий агентлар” қонунунини чақиртириб олди
“Биз қабул қилинган қонун лойиҳаси жамиятда фикр бўлинишига сабаб бўлди. “Ёлғон машинаси” қонун лойиҳасини негатив ҳолатда кўратишга ва аҳолининг муайян қисмининг фикрини чалғитишга улгурди. Қонун лойиҳаси ёлғондан “Россия қонуни” сифатида тақдим этилди, унинг биринчи ўқишда қабул қилиниши эса жамиятнинг бир қисми ўртасида Европа курсидан ортга чекиниш сифатида тақдим этилди”, дейилади расмий баёнотда.
Тбилисида 7, 8 ва 9 март кунлари мазкур қонун қабул қилинишига қарши катта норозилик намойишлари бўлиб ўтган ва норозилар полиция билан тўқнашган эди.
Грузия президенти Саломе Зурабишвили норозиларни қўллашини билдириб, “хорижий агентлар” тўғрисидаги қонунга вето қўйишини билдирди.
АҚШ ва Европа Иттифоқи мазкур қонуннинг қабул қилинишини қоралади ва Тбилиси ҳукуматини аҳолининг тинч норозилик акцияларини ўтказиш ҳуқуқини таъминлашга чақирди.
Paper Kartuli нашрининг ёзишича, намойишда камида ўн минг киши иштирок этмоқда. Бошқа нашрлар эса бир неча ўн минг киши ҳақида ёзмоқда.
Тбилисидаги норозилик чиқишларига сабаб бўлган қонун лойиҳаси сешанба куни биринчи ўқишда қабул қилинган бўлиб, лойиҳани 150 депутатдан 76 нафари ёқлаган, 13 киши қарши чиққан, 61 нафар депутат эса овоз беришдан тийилган.