Балык Бистәсендә өстәл теннисы ярышлары узды
Балаларга белем бирү һәм сәламәтләндерү үзәге 1999-2002 елгы, 2003 елгы һәм яшьрәк кызлар, малайлар арасында “Хезмәткә һәм оборонага әзер бул” Бөтенроссия физкультура спорт комплексы кысаларында өстәл теннисы ярышлары үткәрде.
Ярышка барлыгы 16 мәктәптән, 77 укучы килгән иде. Балалар белем бирү һәм сәламәтләндерү үзәгендә тәрбияләнүчеләр спортның бу төрендә иң көчле булуларын күрсәттеләр. 1999-2002 елгы үсмерләр арасында пьедесталның өч баскычына алар күтәрелде. Эмиль Сафин–беренче, Рәсим Җаббаров–икенче, Илья Решетилов–өченче урынны алдылар. Бу яшь категориясендә кызлар арасында да ДООПЦ спортчылары өстенлек итте. Ксения Пузырькова–беренче, Ризәлә Хәлилова өченче урыннарны яуладылар. Икенче урында Ямаштан Илүзә Низамова калды.
2003 елгы һәм яшьрәк үсмерләр арасында Инсаф Агзямов (Күгәрчен)-беренче, Илья Решетилов (гимназия №1)–икенче, Айнур Ахмадиев (Күгәрчен)–өченче урыннарны алдылар. Бу яшь категориясендәге кызлар арасында Ризәлә Халилова (ДООПЦ)-беренче, Әдилә Нуретдинова (Ямаш) икенче, Миләүшә Хөснетдинова (Олы Кульга) –өченче урынны алдылар.
Командалар арасында балаларга белем бирү һәм сәламәтләндерү үзәге теннисчыларына тиңнәр булмады. Күгәрчен мәктәбе командасы икенче урынга чыкты. Ямаш мәктәбе командасы өченче урында калды.
Җиңүчеләребезгә Мактау грамоталары, медальләр, иганәчебез Марина Гурянычева әзерләгән бүләкләр тапшырылды.
Гөлүсә Хәлилова.
Фото: http://www.livekuban.ru/files/u18567/attachs/2011-09/__51992.jpg