Հարավային Կովկասում ցանկացած աշխարհաքաղաքական փոփոխություն Իրանի համար անընդունելի է. Իրանի ԱԳ նախարարը՝ Լավրովին
ՌԴ ԱԳ նախարար Սերգեյ Լավրովը Մոսկվայում հանդիպում է անցկացնում Իրանի արտգործնախարար Հոսեյն Ամիր Աբդոլլահիանի հետ։ Չորեքշաբթի Ռուսաստանի մայրաքաղաքում մեկնարկել են Իրանի և Ռուսաստանի արտաքին գործերի նախարարների բանակցությունները IRNA գործակալությունը։
Աբդոլլահիանն ընդգծել է, որ Հարավային Կովկասում ցանկացած աշխարհաքաղաքական փոփոխություն Իրանի համար անընդունելի է, հավելում է NEWS.ru կայքը։
Ավելի վաղ Իրանի նախագահ Իբրահիմ Ռաիսին հայտարարել էր, որ երկիրը երբեք չի ընդունի աշխարհաքաղաքական փոփոխություններ Կովկասում։ Այս առումով, ըստ նրա, Իրանը պատրաստ է նպաստել տարածաշրջանում խաղաղության ու կայունության ամրապնդմանը։ Նա անդրադարձել էր 2020 թվականին Ռուսաստանի, Հայաստանի և Ադրբեջանի ղեկավարների կողմից ստորագրված հրադադարի մասին եռակողմ համաձայնագրին, որով ավարտվել էր 44-օրյա պատերազմը։
Նրա կարծիքով՝ հրադադարի համաձայնագրին հավատարիմ մնալը և մնացած հարցերի լուծումը երկխոսության միջոցով լավագույն միջոցն է կովկասյան տարածաշրջանում անվտանգությունն ու հանգստությունը վերականգնելու համար։