Apple сентябрда 7 та янги гаджетни тақдим этади — Бизга қўшилинг: ???? https://t.me/joinchat/AAAAADwt0NGCRoONT4f1_Q

Фото: Arnd Wiegmann / Reuters Apple компанияси 7 сентябрь куни ўтказиладиган катта тадбирида 7 та янги гаджетни тақдим этади. Маълумотларига кўра, икки ярим ҳафтадан сўнг америкаликлар iPhone 14 смартфонининг тўртта версиясини, шунингдек, iPad планшетининг учта версиясини намойиш қилишади. Гажетларнинг тўлиқ рўйхати қуйидагича: - iPhone 14 - iPhone 14 mini - iPhone 14 Pro - iPhone 14 Pro Max - iPad 10.2 (10-авлод) - iPad Pro 12.9 (6-авлод) - iPad Pro 11 (4-авлод) iPhone 14 смартфонининг асосий версияси нархи 799 долларни ташкил қилади. Аввалги авлод смартфони нархи ҳам худди шундай эди. Тахминларга кўра, компания янги моделга бўлган талабни янада кучайтириш учун қурилма нархини оширмоқчи эмас. Шу билан бирга, Apple янги смартфонларнинг Pro-версиялари (iPhone 14 Pro ва iPhone 14 Pro Max) нархини кўтаради. Бунга нисбатан каттароқ сиғимли флеш-хотира қўйилиши сабаб бўлган. iPhone 13 Pro ва iPhone 13 Pro Max моделларининг асосий версиялари 128 Гб флеш-хотира билан жиҳозланган бўлса, 14-сериядаги дастлабки Pro-қурилмалар эса 256 Гб хотирага эга бўлади. Дастлабки маълумотларга кўра, янги iPhone 14 Pro ва iPhone 14 Pro Max мос равишда 1099 ва 1199 доллар туради. Бу эса аввалги авлод моделларига нисбатан 10 фоиз қимматроқдир.