Almaniya kanslerinin reytinqi rekord həddə aşağı düşüb
Bu barədə DW (Alman Dalğası radiosu) İnsa sosioloji institutunun sorğusunun məlumatlarına istinadən xəbər verir.
Avqustun 21-də dərc olunmuş sorğunun nəticələrinə görə, almanların demək olar ki, üçdə ikisi - 62 faizi Şolzun işindən narazı, yalnız dörddə biri razıdır.
Bu, almanların 46 faizinin kanslerin hərəkətlərini müsbət qiymətləndirdiyi mart ayı ilə müqayisədə təxminən iki dəfə azdır.
Hakim koalisiyanın reytinqi də rekord həddə düşüb. Respondentlərin 65 faizi federal hökumətin işindən narazıdır. Rəyi soruşulanların 27 faizi hökumətin işini müsbət qiymətləndirib ki, bu da mart ayı ilə müqayisədə 17 faiz azdır.
DW yazdığına görə, sorğudan belə nəticə çıxır ki, kanslerin birbaşa seçilməsi halında Olaf Şolz indi yalnız üçüncü yeri tutardı.
2021-ci ilin dekabrında 63 yaşlı Olaf Şolz Almaniyanın federal kansleri seçilib.
Bundestaqın 395 deputatı onun namizədliyinə səs verib. O, 16 il hökumət başçısı olmuş Angela Merkeli əvəzləyib.
Şolz kansler olana qədər iki il Almaniya hökumətində əmək naziri, təxminən 7 il Hamburqun ilk meri, 2018-ci ilin mart ayından isə Almaniya Maliyyə Nazirliyinə rəhbərlik edib və eyni zamanda vitse-prezident vəzifəsində çalışıb.
Ukraynada müharibə başlayandan sonra Avropada elektrik enerjisinin qiyməti xeyli artıb. Bunununl ada avqustda Almaniyada topdansatış bazarında elektrik enerjisinin qiyməti təxminən altı dəfə artıb.
Belə bir vəziyyətin yaranmasına Rusiyadan qaz tədarükünün azaldılması, həmçinin yayda havaların çox isti keçməsinin təsir etdiyi bildirilir.
Avqustun 15-də Latviya, Litva, Polşa, Çexiya və Estoniya kimi bir sıra Avropa İttifaqı (Aİ) ölkələrinin liderlərindən fərqli olaraq, Almaniya kansleri növbəti dəfə ruslar üçün viza rejiminin kəskin şəkildə sərtləşdirilməsinə qarşı çıxıb.
Scholz öz mövqeyini bununla əsaslandırır ki, bu, Putin rejimindən qaçan Rusiya sakinləri üçün təhlükə yaradır. Bundan əvvəl Ukrayna prezidenti Volodimir Zelenski Qərb ölkələrini Rusiya vətəndaşlarına viza verməməsini dayandırmağa çağırıb. Bundan əlavə, bir neçə Aİ ölkəsi Şengen zonasında belə bir tədbirin həyata keçirilməsi imkanını gündəmə gətirib.