Андижонда тадбиркор спорт залида ўз жонига қасд қилди
Маълум вақт аввал Андижоннинг энг бой одамларидан бири ўзини осгани ҳақида хабар бергандик. Айни вақтда вилоят ҳокимлигининг маълум қилишича, ҳудудда яна бир тадбиркор жонига қасд қилди.
Мазкур ҳолат юзасидан вилоят ҳокимлиги томонидан ўрганиш ишлари олиб борилди.
Қайд этилишича, ижтимоий тармоқларда “Андижонлик тадбиркор ўзи қураётган спорт залда ўзини осиб ўлдиргани бўйича ҳам жимлик!” сарлавҳаси остида хабар тарқалган. Унда 200-300 кишилик йиғилиш бўлиб ўтгани, шунингдек, тадбиркорга прокурор ва ҳоким тазйиқ ўтказилгани айтилган.
Ўрганишлар жараёнида аниқ бўлганки, тадбиркорга ҳеч ким, на прокурор на ҳоким тазйиқ ўтказмаган. Ҳеч қандай йиғилиш ҳам ўтказилмаган.
«Бундан ташқари, тадбиркорга қурилиши олиб борилаётган лойиҳа қийматининг 85 фоизи миқдорида маблағ ажратилган»,-дейилади хабарда қўшимча қилиниб.