Зәйдә бердәмроссиялеләр Разиф Кәримовны район башлыгы итеп сайлау өчен күрсәтте
Бүген “Бердәм Россия” сәяси партиясенең Зәй җирле бүлеге конференциясендә катнашучылар Зәй муниципаль районы башлыгы итеп сайлау өчен Разиф Кәримов кандидатурасын район Советының “Бердәм Россия” партиясе фракциясенә тәкъдим итү турында карар кабул иттеләр. Исегезгә төшерәбез, берничә көн элек бердәмроссиялеләр Разиф Кәримовны “Зәй шәһәре” муниципаль берәмлеге башлыгы итеп сайлау өчен дә тәкъдим иткәннәр иде. Шәһәр һәм район башлыгы якын көннәрдә шәһәр һәм район Советлары утырышларында сайланачак.