«Դու այնքան սեր և ուրախություն ես բերել մեր կյանք»․ Քիմ Քարդաշյանը շնորհավորել է առաջնեկի 8-րդ տարեդարձը (լուսանկարներ)
Keeping Up With the Kardashians իրապատում շոուի ամերիկահայ աստղ Քիմ Քարդաշյանը շնորհավորել է ավագ դստեր 8-րդ տարեդարձը՝ հրապարակելով 4 տարի առաջ ամսագրի համար արված լուսանկարները, որում Քիմ Քարդաշյանը հագնված է ԱՄՆ-ի նախկին առաջին տիկին Ջեքի Քենեդիի նման, հայտնում է բրիտանական Daily Mail պարբերականը և հավելում, որ այդ ժամանակ Քիմն ակնարկել էր Միացյալ Նահանգների առաջին տիկին լինելու ցանկության մասին։
Պարբերականը հիշեցրել է, որ նախկինում Քիմ Քարդաշյանի ամուսինը՝ ռեփ երաժիշտ Քանյե Ուեսթը առաջադրվել է ԱՄՆ-ի նախագահական ընտրություններում և հայտնել է 2024 թվականին կրկին առաջադրվելու ցանկության մասին։
SKIMS, KKW Beauty և KKW Fragrance ապրանքանիշերի հիմնադիր և սեփականատեր 40-ամյա հեռուստաաստղը հրապարակմանը կից գրել է․ «Իմ առաջին փոքրիկ Նորթն այսօր 8 տարեկան է։ Նորթ մի օր դու կտեսնես գրությունները, որոնք ներառված են քեզ համար իմ պատրաստած գրքում և հուսամ սեր կզգաս, քանի որ դու այնքան սեր և ուրախություն ես բերել մեր կյանք»։
Վերոնշյալ լուսանկարներից բացի հեռուստաաստղը դստեր հետ այլ լուսանկարներ էլ է հրապարակել։ Բացի այդ, Նորթ Ուեսթի տարեդարձը շնորհավորել են նաև Քիմի մայրը՝ հեռուստաաստղ Քրիս Ջեները և քույրերը՝ Քորթնի և Քլոե Քարդաշյանները։
Նորթ Ուեսթը Քիմ Քարդաշյանի և Քանյե Ուեսթի առաջներկն է։ Զույգն ամուսնացել է 2013 թվականին և ունի 4 երեխա։
Հիշեցնենք որ, Քարդաշյանն ամուսնալուծության մասին լուրերը հաստատել էր 3 ամիս առաջ։ Ներկայում հեռուստաաստղը փորձում է ամուսնալուծության այնպիսի լուծում գտնել, որը լավագույնը կլինի ընտանիքի անդամների համար: Ամուսնալուծության հարցով Քիմ Քարդաշյանի փաստաբանական խումբը գլխավորում է հայտնի փաստաբան Լորա Ուասսերը: