Ռոնալդուի ապագան «Յուվենթուսում» կախված է նրանից՝ արդյո՞ք Պիռլոն կմնա, թե՞ ոչ
Պորտուգալացի հարձակվող Կրիշտիանու Ռոնալդուի ապագան «Յուվենտուսում» դեռևս անորոշ վիճակում է։ 36-ամյա ֆուտբոլիստի և թուրինյան ակումբի միջև բանակցությունները նախատեսված են այս ամառ, հայտնում է Sky Sports-ը։
Աղբյուրի փոխանցմամբ, Ռոնալդուի և «Յուվենտուսի»՝ հետագա համագործակցության վերաբերյալ որոշումը կախված կլինի նրանից՝ արդյոք Անդրեա Պիռլոն կմնա՞ թիմի գլխավոր մարզչի, իսկ Ֆաբիո Պարատիչին՝ մարզական տնօրենի պաշտոնում։ Եթե Պիռլոն ու Պարատիչին հեռանան,ապա Ռոնալդուի՝ հեռանալու հավանականությունն ավելի մեծ կլինի։
Ռոնալդուի գործող պայմանագիրը «Յուվենտուսի» հետ ուժի մեջ է մինչև 2022 թվականի ամառը։
Ավելի վաղ հաղորդվում էր ,որ պորտուգալացին պատրաստ է աշխատավարձի նվազեցման գնալ՝ հանուն «Մանչեսթեր Յունայթեդ» վերադառնալու, որի կազմում հանդես է եկել 2003-ից 2009 թվականներին։