Հուսով եմ՝ գոնե ընտրությունների արդյունքում մի ձևով կգտնենք տարբերակ այս մարդկանց արթնացնելու, որովհետև հակառակ դեպքում մենք չենք ունենալու ո՛չ հայրենիք, ո՛չ հանրապետություն. Նարեկ Սամսոնյան
Փաշինյանն անցել է ՀՀ սահմանները հանձնելու երկրորդ փուլին ու ես, գոնե ցանկացած գնով այն կասեցնելու համար այստեղ եմ գտնվում, բայց մեծ հույսեր չունեմ այս ամենից: Այս մասին այսօր Կառավարության դիմաց Tert.am-ի հետ զրույցում ասաց «Քաղաքացիական գիտակցություն» ՀԿ նախագահ Նարեկ Սամսոնյանը:
«Հայ ժողովրդի հավաքական ինքնապաշտպանության բնազդը բթացված է, այս երեք տարին դրա համար է օգտագործվել, ես չգիտեմ՝ մենք կարողանալու ենք մեր պետությունը պահպանել, թե ոչ: Շատ փոքրաթիվ նվիրյալների գիտեմ, որոնք պատրաստ են իրենց կյանքի գնով դա անել: Հավաքական առումով մենք այս վիճակում ենք, արդեն ՀՀ սահմանները դնում է կասկածի տակ, ու հայտարարում, որ այսպես, թե այնպես, այդ փաստաթուղթը ստորագրելու է, սա ցավով եմ արձանագրում»,-ասաց նա:
Սամսոնյանի խոսքով՝ ժողովուրդն արդեն չի սատարում Փաշինյանին, բայց նույն ժամանակ չի աջակցում նաև ՀՀ-ին: «Հուսով եմ՝ գոնե ընտրությունների արդյունքում մի ձևով կգտնենք տարբերակ այս մարդկանց արթնացնելու, որովհետև հակառակ դեպքում մենք չենք ունենալու ո՛չ հայրենիք, ո՛չ հանրապետություն: Հայաստանում հիմա կա մեկ օրակարգ, դա հենց «Անտինիկոլ» օրակարգն է, որովհետև եթե 2018 թվականից խորհրդարանում լիներ «Անտինիկոլ» ընդդիմություն, մենք այսօր այս վիճակում չէինք լինի»:
Հիշեցնենք, որ Սուրբ Աթոռում ՀՀ նախկին դեսպան Միքայել Մինասյանը Տելեգրամի իր ալիքում հրապարակել է հայտարարության լուսանկար, որը պատրաստվում է ստորագրել Նիկոլ Փաշինյանն Ալիևի հետ։ Փաստաթղթի ստորագրումը Կառավարության նիստի ժամանակ հաստատել է նաև Նիկոլ Փաշինյանը։