Хафиз Миргалимов зәйлеләр белән очрашты

Зәйдә 13 сентябрьдә узачак сайлауларга президентлыкка кандидат  буларак теркәлгән Хафиз Миргалимов белән очрашу үтте. Билгеле булганча аның кандидатурасы КПРФ сәяси партиясе тарафыннан күрсәтелде. Хафиз Миргалимов халык белән очрашу барышында үзенең сайлау алды программасын бәян итте, Россия төбәкләре арасында Татарстанның иң актив үсештә булуын ассызыклады, булачак сайлауларга беркемнең дә битараф калмавын теләде. Ул очрашу барышында интернет технологияләр һәм спорт темасына бирелгән сорауларга җавап итеп әлеге юнәлешләрнең киләчәк өчен бик мөһим булуын ассызыклады.