Татарстаннан өч хатын-кыз иң байлар исемлегенә кертелгән
Forbes версиясе буенча Россиянең иң бай 50 хатын-кызы арасында өч татарстанлы да кергән. Алар - “Таиф” акционерлык җәмгыяте генераль директоры урынбасары Гүзәлия Сафина (430 млн доллар капиталы белән 3нче урында тора), “Таиф” компанияләр группасы акционеры Камилә Шәймиева (190 млн доллар белән 9нчы урында тора) һәм “Бәхетле” сәүдә йортлары челтәре генераль директоры Мөслимә Латыйпова (135 млн доллар капиталы белән 14нче урында тора).
Рейтинг эшмәкәрләр кулындагы компанияләрнең активлар, җир участоклары, күчемсез милек объектлары һәм шәхси милекнең бәясенә нигезләнеп төзелгән.
(«Заман сулышы»)