Божхоначилар 2,5 кг зумрад тошни 500 минг долларга сотаётган жиноий гуруҳни аниқлади — Бизга қўшилинг: ???? https://t.me/joinchat/AAAAADwt0NGCRoONT4f1_Q

Давлат божхона қўмитасидан маълум қилишларича, тезкор тадбир давомида аввалдан кузатувга олинган 5 киши Чилонзор туманидаги хонадонлардан бирида муқаддам Афғонистондан олиб келинган 2 кг 531 гр оғирликдаги зумрад тошларни 500 минг долларга, 8 гр оғирликдаги 1 дона қадимий тилла тангани 10 минг долларга сотаётган пайтда тўхтатиб қолинди. Дастлабки ўрганишларга кўра, бу ҳолатда ноқонуний олди-сотдидан тўхтатиб қолинган тилла танга эрамизнинг III асрига мансуб бўлиб, Кушон давлатида зарб қилинган. Бу шахслардан бирининг ҳамёнида 3 дона олмос тошлари борлиги ҳам аниқланди. Ҳисоб-китобларга кўра, бу ҳолатда олиб қўйилган қимматбаҳо тошлар ва қадимий тилла танганинг умумий қиймати жами 16 млрд 818 млн сўмни ташкил қилади. Ҳозирда жиноятга алоқадор бошқа шахсларни аниқлаш юзасидан терговга қадар текширув ҳаракатлари олиб борилмоқда. Тезкор тадбирни Тошкент шаҳар божхона бошқармасининг Контрабандага қарши курашиш ва божхона аудити бўлими Давлат хавфсизлик хизмати чегара қўшинлари билан ҳамкорликда ўтказган.