Qırımda bir künde 184 koronavirus hastası qayd etildi – Aksönov
"Hasta olğanlarnıñ umumiy sayısından 135 adam tibbiy yardım içün muracaat etkende qayd etildi, 49 daa evel qayd etilgen hastalarnen alâqada oldı. Bir künde 239, bütün vaqıt devamında – 25 952 adam tedaviylendi", – Aksönovnıñ aytqanlarından matbut-hızmeti alıntı ketire.
Hatırlatamız ki, Qırımda keçken künü 181 yañı koronavirus hastası qayd etildi.
Keçenlerde Qırımnıñ başlıqları koronavirus pandemiyası sebebinden qışnıñ soñunace korporativler ve eglence tedbirlerniñ keçirilüvini yasaq etti.
Rusiye nezareti astındaki Qırım ve Aqyar akimiyetiniñ koronavirus tarqaluvına dair statistikasını halqara teşkilâtlar ve diger mustaqil menbalar tasdıqlamay. Ukraina aq qorçalayıcıları Qırımnıñ Rusiye akimiyeti hasta sayısını eksiltip bildire, dep bildirgen edi.
Daa evel 2019-nCoV olaraq belli SARS-CoV-2 koronavirusı Qıtayda keçken yılnıñ soñunda qayd etildi.
O, COVID-19 hastalığınıñ sebebi oldı. Hastalıq yengil keçe bile, bazı insanlarda suvuqlanuv ve gripp alâmetleri, yüksek sıcaq ve öksürüv körüne bile. Bu ölüm sebebi ola bilgen pnevmoniyağa keçmesi mümkün. Hastalarnıñ ekseriyeti tüzele; çoqusı allarda immunitet sisteması zayıf olğan insanlar, hususan qartlar vefat ete.
2020 senesi martnıñ 11-nde Dünya sağlıq teşkilâtı yañı koronavirus sebebinden başlağan hastalıq qırğınlığını pandemiya olaraq tanıdı.