Додгоҳ қарори шаҳрдори Тошканд дар бораи додани замин ба ширкатҳои домоди Мирзиёевро бекор кард
Бино ба як қарори Ортиқхоҷаев, 6 га замини ноҳияи Юнусободи Тошканд, ки дар он чанд ширкати тиҷорӣ ҷойгир буд, барои эҳтиёҷоти давлатӣ баргардонида шуд.
Шаҳрдори Тошканд рӯзи 31 декабри соли 2019 бо як қарори дигар замини мазкурро ба ширкати хусусии "Urban Developers" дод.
Ҳамакнун додгоҳ, ин қарорро ғайриқонунӣ эътироф кард.
Ба навиштаи расонаҳо, ширкати "Urban Developers" ба Ойбек Турсунов, домоди президенти Узбекистон Шавкат Мирзиёев рабт дорад.
45 соҳибкоре, ки дар 6 га замини ноҳияи Юнусобод коргоҳ ва дукон доштанд, ба додгоҳ муроҷиат ва дархости бекор кардани қарори раиси шаҳрро карданд.