Дрон орқали «Макаров» тўппончаси чегарадан ўтказилди. Уни сотиб олганлар қўлга олинди (видео) — Бизга қўшилинг: ???? https://t.me/joinchat/AAAAADwt0NGCRoONT4f1_Q

Фото: Видеолавҳадан скриншот Тошкент шаҳрида яшовчи икки фуқаро Тошкент туманидан ўтувчи ўзбек-қозоқ давлат чегараси яқинида дрон ёрдамида Қозоғизистондан контрабанда йўли билан юборилган ўқотар қуролларни сотиб олган вақтларида қўлга олинди. Бу ҳақда «Ўзбекистон 24» репортажида хабар берилди. Улар ушбу қуролни Қозоғизистон фуқаросидан 4 минг АҚШ долларига сотиб олган. Экспертиза хулосасига кўра, ушбу қурол ўқ отиш учун яроқли ҳолатдаги «Макаров» тўппончаси эканлиги ва ўқдонида 6 дона ўқ бўлган. Ушланганларнинг иккиси ҳам аввал судланган. Бири 2012 йилда 97-моддаси (Қасддан одам ўлдириш), 2019 йилда 169-моддаси (Ўғрилик) билан айбли деб топилган.