Қурби доллар дар бозори "сиёҳ"-и Туркманистон боло рафт
Ба иттилои хабарнигорон, субҳи 27 январ доллар дар бозори сиёҳ 29 манату 80 танга қимат дошт, аммо баъди нисфирӯз ба 30 манату 30 танга расид. Болоравии қимати доллар боиси гароншавии маҳсулот дар бозорҳои Туркманистон шудааст.
Бонки марказии Туркманистон қурби расмии долларро дар баробари асъори миллӣ дар сатҳи 3,5 манат барои 1 доллар нигаҳ медорад. Аммо дар бозори сиёҳ фарқият бештар аз 8 маротиба аст.