Qırım akimiyeti artıq iyülde Rusiye turistlerini qabul etmege azır olacaqlarını bildirdi
Kreml nezaretindeki Qırım Kurort ve turizm nazirliginiñ malümatına köre, iyül birinden başlap yarımada qomşu Rusiyeden turistlerni qabul etmege azır.
Bu, Qırımda stabil epidemiologiya vaziyeti olması alında olacaq.
"Biz er kün Rosturizmnen bağda bulunamız, bizni eşiteler ve bir sıra meselelerde yardım eteler. Tahminen iyünniñ 15-inde sanatoriy ve musafirhanelerni açacaq olamız, qararnen iyül 1-inde subyekler arasında turizm açılacaq, amma bu federal müessiseleriniñ razılığına bağlıdır, onı bu künlerde bekleymiz", - dedi Qırım Kurortlar naziri Vadim Volçenko.
İyünniñ 15-inde Qırımda, Rospotrebnadzor qaidelerine boysunıp, sanatoriy ve kurort kompleksleri işini başlaycaq, amma anda yalıñız qırımlılar raatlana bilecek.