Түркияда ондогон куткаруучуну көчкү алып кетти

Түркиянын Ван провинциясында кар көчкү кеминде 38 адамдын өмүрүн алды, 50 адам жаракат алышкан. Дагы бир топ адам кар камоосунда калган болушу ыктымал, так саны белгисиз.


Кырсык 5-февралда өлкөнүн Иран менен чектешкен Ван провинциясынын Бахчесарай шаарына жакын жердеги жолдо болгон. Ал учурда куткаруучулар андан бир күн мурдагы көчкүдөн кийин дайынсыз кеткен эки кишини издеп жатышкан. Анда табигый апааттан беш кишинин өмүрү кыйылган эле.


Кар жаап, катуу шамал уруп, туман түшкөн учурда издөө иштерин татаалдантууда.