Երբ ժամանակը գա, Նիկոլը կասի, որ ինքը որևէ կապ չունի այդ հանցագործության հետ, դա եղել է պատգամավորների անձնական նախաձեռնությունը. Աղասի Ենոքյանը՝ Սահմանադրության փոփոխման նախագծի մասին
«Մեդիա պաշտպան» նախաձեռնության ղեկավար Աղասի Ենոքյանը ֆեյսբուքյան իր էջում գրառում է կատարել՝ անդրադառնալով այսօր ԱԺ 37 պատգամավորների կողմից ներկայացված՝ Սահմանադրության 213-րդ հոդվածի փոփոխման նախագծին: Նա մասնավորապես նշել է, որ Փաշինյանն իր ազգական-պատգամավորներին խորհուրդ է տվել չմիանալ այդ նախաձեռնությանը։ Գրառումն ամբողջությամբ՝ ստորև.
«Առաջին հայացքից զարմանալի էր, որ Նիկոլի էջում որեւէ վերաբերմունք չկա սահմանադրական կարգը տապալող 37 պոտենցիալ հանցագործների ներկայացրած օրինագծի մասին։ Ու նաև նա իր ազգական-պատգամավորներին խորհուրդ է տվել չմիանալ այդ նախաձեռնությանը։
Այսինքն, երբ ժամանակը գա, Նիկոլը կասի, որ ինքը որևէ կապ չունի այդ հանցագործության հետ, դա եղել է պատգամավորների ինքնաբուխ, անձնական նախաձեռնությունը»։