Ўйлаб кўрдингизми? 2020 йил 6 феврал куни юлдузлар сизга нималарни ваъда қиларкин?
ҚЎЙ (21. 03 — 20. 04)
6 феврал куни вужудингиздаги энергиянинг адоғи бўлмайди. Ҳатто, айримлар шунча кучни қаердан олаётганингизни сира тушуна олмай ҳайрон ҳам бўлади. Ҳайрон бўлаверсин. Бу улар учун сир бўла қолсин. Ҳеч кимнинг шахсий ҳаётингизга аралашишга ҳаққи йўқ. Агар вазиятга асир бўлиб қолмасангиз, муҳаббатда ҳам омадингиз кулади. Билинг, баъзан оқим билан қўшилиб оқиш фойда беради. Муҳаббат бобида худди шундай йўл тутинг. Асло оқимга қарши сузманг.
БУЗОҚ (21. 04 — 20. 05)
Агар эрталаб уйқудан ўнг ёнбошингиз билан турсангиз, билингки, омад кун бўйи сиз томонда бўлади. Лекин ҳар бир бажарадиган ишингизни яхшилаб таҳлил қилинг. Шошма-шошарлик қилиб олдинга ўтиб кетиб қолманг. Куннинг иккинчи ярмида баъзи вазиятлар иш режангизни яна бир марта кўриб чиқишингизни талаб қилиши мумкин. Аммо бу ҳолат моддий аҳволингиз яхшиланишига салбий таъсир кўрсатмайди. Романтикани ёлғизлар кечқурунга олиб қўйганлари маъқул.
ЭГИЗАКЛАР (21. 05 — 21. 06)
6 февралда эгизак буржи остида таваллуд топганлар ҳар қандай ишни дўндиришга тайёр туришади. Керак бўлса, тоғларни қўпоришга кучингиз етарли бўлади. Муҳаббатда айримлар ғалати ва сирли бир вазиятга тушиб қолишлари кутилади. Аммо бу сирни барибир бир кунда англаб улгурмайсиз. Моддий аҳволингиз катта тезликда пастга шўнғиб бормоқда. Қўшимча даромад келтирадиган иш топмасангиз бўлмайди. Тадбиркорларга маслаҳат: Янги шартномаларга то уни обдон ўрганиб чиқмагунча имзо чекманг.
ҚИСҚИЧБАҚА (22. 06 — 22. 07)
Бугунги кун аёлларимиз учун уйларни капитал тозалашда жуда омадли кечади. Ёрдамчилар керагича топилади. Аммо кўпчилик билан қилинган ишда сифат камроқ бўлади. Профессионал касбингиз билан боғлиқ ишингиз бўйича ғоялар кўп. Уларни навбати билан амалга ошираверинг. Шахсий бизнесига эга дўстларимиз улгуржисига «мол» сотиб олишлари кутилмоқда. Бунинг учун анчагина пул тикишингизга тўғри келади. Бугун олис сафарга отланишингиз тавсия этилмайди.
АРСЛОН (23. 07 — 23. 08)
6 феврал куни оилалиларнинг ҳаётида туб бурилиш юз бериши мумкин. Агар бир-бирингизга ён беришга ўрганмасангиз, муносабатларингиз тобора совуқлашаверади. Оилавий бюджетни бутунлигича қандай сақлаш ҳақида яқин дўстлардан бири ажойиб ғояни айтади. Албатта инобатга олинг. Тадбиркор бўлсангиз, бугун яқин ҳамкорлар билан учрашиб, янги лойиҳаларни муҳокама қилишингиз тавсия этилмайди. Бундан фойда чиқмайди. Кечқурун хонадонингизда тантанали бир тадбир ташкил этилиши мумкин. Оллоҳ сизга ёр бўлсин!
ПАРИЗОД (24. 08 — 22. 09)
Нималардир ўзингизга ёқмаса, кўз юмишингиз керак эмас. Бундан фақат зиён кўрасиз. Руҳий ҳолатингизни ёмонлаштирувчи ҳар қандай воқеа-ҳодисадан ўзингизни олиб қочинг. Янги танишувларга бугунча ўрин берманг. Оила қурмаганлар ишхонасига янги келган ходим ё ходима билан одатдагидан яқинроқ муносабат юрита бошлайди. Майли, ёши сиздан каттароқ бўлса ҳам эътибор бериб ўтирманг. Асосийси, қалбингизга қулоқ тутинг. Кечқурун кимдир қўлингизга бир даста пул тутқазиши кутилади.
ТАРОЗИ (23. 09 — 23. 10)
6 февралда принципларингиздан воз кечиб туришингизга тўғри келади. Шунда бошқаларнинг инжиқликларини ва бошқа салбий жиҳатларини кўтариш осонроқ бўлади. На илож, омадга эришиш учун ҳаммасига чидаш керак бўлади-да. Харажатлар масаласида жуда эҳтиёткорлик билан иш тутинг. Инқирозга юз тутишингиз мумкин. Аёллар ва қизлар бугун ташқи қиёфасига эътибор қаратиши, керак бўлса, косметик муолажалар олишлари зарур бўлади. Саломатлигингиз панд бера бошласа, чидашга уринманг. Дарров врачга мурожаат этинг.
ЧАЁН (24. 10 — 22. 11)
Бугун эрталабдан ишингизга нисбатан муносабатларингизни яхши томонга ўзгартиринг. Башарти бу ишдан етарли даромад кўрмаётган бўлсангиз, бошқа иш қидиришингиз зарур. Мутахассис сифатида тенгсизсиз. Таниш-билишларга қўнғироқ қилсангиз, кўнгилдагидек ишлар албатта топилади. Спорт соҳасида муваффақиятларга эришиш учун бугунги кун жуда қулай кечади. Мабодо уйингизни капитал таъмирлашга тушган бўлсангиз, эҳтиёткорликни қўлдан берманг.
ЎҚОТАР (23. 11 — 21. 12)
6 феврал куни ишчанлик кайфиятида бўласиз. Шунинг учун уйда ўтириб қолиш сизга фақат зиён етказади. Бир ишни тугатиб бошқасига ўтаверинг. Шунда кечқурун натижасини албатта кўрасиз. Кун давомида кўп бора ўзингизга ёқмайдиган бир одам қўнғироқ қилавериб зериктириши мумкин. Имкон бўлса, уни авф этинг. Ҳаммасини Оллоҳ кўриб турибди-ку. Баъзилар кечқурун хизмат сафарига жўнаб кетиши кутилади.
ТОҒ ЭЧКИСИ (22. 12 — 19. 01)
Агар кунингиз хотиржамликда, гармония оғушида ўтишини истасангиз, бунинг учун ўзингиз ҳаракат қилишингиз керак. Режаларингиз барбод бўлиши мумкин. Аммо бу қўрқинчли эмас. Ҳаммасини ўзгартиришингиз, қайтадан кўриб чиқишингиз мумкин. Семиришга олиб келадиган маҳсулотлар истеъмолидан нари бўлинг. Кўпроқ суюқлик ичинг, витаминга бой мевалардан енг. Тоза ҳавода спорт билан шуғулланинг.
ҚОВҒА (20. 01 — 18. 02)
6 февралда ижод ва санъат соҳасида ишлайдиганларнинг кўнгли ҳайитдагидек бўлади. Анчадан бери севимли хоббингиз учун вақт ажратмагандингиз. Бугун ажратишингизга тўғри келади. Молиявий масалада жиддий муаммолар кўзга ташланмайди. Лекин улгуржи харидлардан воз кечишингиз сўралади. Муҳаббатда йўл қўйилган хатоларни тузатиш ҳаракатида бўлинг. Шамоллашдан, грипп юқтиришдан сақланинг.
БАЛИҚ (19. 02 — 20. 03)
Бугун биринчи навбатда хаёлларингизни тартибга солишингиз талаб этилади. Шунда ўзингизга ўзингиз ортиқча муаммони сўраб олмайсиз. Ишларингиз анча оғир кечади. Бироқ сиз уддалай оласиз. Фақат жамоавий тарзда ишламасангиз, мустақил ҳаракат қилсангиз, албатта эзгу ниятларингиз мевасини беради. Жуда зериксангиз, куннинг иккинчи ярмида расм чизиш, ёки бошқа ўзингизга ёқадиган машғулотларга берилинг. Бугун ўтганларни ёдга олиб тиловат қилиш ҳам зиён қилмайди. Бошқа шаҳарга боришга тўғри келса, уни ортга суринг.
Хушвақт бўлинг! Ҳаммавақт бўлинг!
Олимжон ҲАЙИТ тайёрлади