Пермлик эркак қарз тўлашдан қочиб 11 марта фамилиясини ўзгартирди. Охири «Трамп» фамилияси остида қўлга тушди…
Ҳа, Россиянинг Перм ўлкасида яшовчи эркак бировлардан қарз, ёки банклардан кредит олиб тўлашни истамаган. Шунинг учун қарз олиши билан ЗАГС бўлимига бориб фамилиясини ўзгартираверган. Исми Андрей. Бироқ фамилиялар турлича. Андрей Смирнов, Андрей Бузорин, Андрей Щербаков ва ҳоказо…
Балки ҳали вери қўлга тушмасди. Лекин «Кўза кундамас, кунида синади», деб бекорга айтишмаган. Охирги марта яқиндагина фамилиясини Андрей Трамп қилиб ўзгартирганди. Шахсий автомобилида кетаётганда, йўл патрул хизмати ходимлари тўхтатишди. Ҳужжатлар текширила бошланди. Ана шунда Андрей қўлга тушди. Ёнидан Андрей Трампга тегишли ҳужжатдан ташқари яна ўнта бошқа-бошқа фамилияли ҳужжатлар топилди.
Айтишларича, қарз тўлашдан қочиб Андрей беш марта рўйхатда турадиган манзилини ҳам ўзгартирибди.
Ҳисоблаб кўришса, Андрейнинг қарзлари жами 4, 5 миллион рублга етган экан.
Суд ушбу жиноят ишини атрофлича кўриб чиқиб, Андрейга тегишли мулкни сотиб қарзларни ёпиш ҳақида ҳукм чиқарди.