Ամերիկուհուն վերադարձրել են 44 տարի առաջ կորած մատանին
Ամերիկյան Օրեգոն նահանգի Ֆորեսթ Գրոուվ քաղաքի բնակչուհի Լորի Գրեգորին 44 տարի անց ստացել է դպրոցի պետքարանում մոռացած մատանին:
1975 թվականին դպրոցականը ձեռքերը լվանալիս հանել է մատանին, որպեսզի այն չխանգարի և դրել է այն լվացարանի վրա: Երբ աղջիկը հիշել է զարդի մասին, արդեն ուշ է եղել, մատանին այնտեղ չի եղել:
2018-ի աշնանը Նյուբերգ քաղաքում բնակվող Քեյ Սի Կարիելը այգում աշխատելիս հողում գտել է մատանին: Կինը մաքրել է այն և վրան գտել է Լորի Հիթ փորագրությունը: Ամերիկուհին լուսանկարել է իր գտած զարդը և լուսանկարը հրապարակել է սոցցանցում: Իրական տիրուհուն գտնել հաջողվել է մեկ տարի անց միայն: