Քաղաքական խորհրդակցություններ Հայաստանի և Պերուի արտաքին գործերի նախարարությունների միջև
Դեկտեմբերի 4-ին հեռուստակամուրջի միջոցով տեղի ունեցան Հայաստանի Հանրապետության և Պերուի Հանրապետության արտաքին գործերի նախարարությունների միջև քաղաքական խորհրդակցություններ։ Հայկական կողմից քննարկումները վարում էր Ամերիկյան երկրների վարչության պետ Արման Հակոբյանը, իսկ պերուական կողմից՝ Եվրոպայի 2-րդ տնօրինության ղեկավար Դավիդ Մալագան։
Կողմերը ներկայացրին Հայաստանում և Պերուում տեղի ունեցած վերջին ներքաղաքական զարգացումները, ինչպես նաև՝ բարեփոխումների ընթացքը։
Քննարկվեց հայ-պերուական հարաբերություններին, այդ թվում՝ իրավապայմանագրային դաշտի ընդլայնմանը, առևտրատնտեսական համագործակցության ակտիվացմանը, միջազգային հարթակներում համագործակցությանը (ՄԱԿ, ՅՈՒՆԵՍԿՕ, Հնագույն քաղաքակրթությունների ֆորում), զբոսաշրջության և մշակութային կապերի խթանմանն առնչվող հարցերի լայն շրջանակ:
Պայմանավորվածություն ձեռք բերվեց նմանատիպ քննարկումները դարձնել պարբերական։
The post Քաղաքական խորհրդակցություններ Հայաստանի և Պերուի արտաքին գործերի նախարարությունների միջև appeared first on ԳԱԼԱ.