Zelenskıy, «normand formatındaki» körüşüv ögüne Milliy telükesizlik ve mudafaa şurasınıñ qapalı toplaşuvını keçirecek
«Çarşenbe künü Zelenskıy Ukraina telükesizlik ve mudafaa sektorı organlarınıñ vekillerinen toplaşuv keçirdi. Onıñ neticesinde cumaertesi künü, dekabrniñ 7-nde, Milliy telükesizlik ve mudafaa şurasınıñ qapalı toplaşuvını keçirmege qarar alındı», – dep aytıla haberde.
«Normand formatındaki» körüşüv dekabrniñ 9-nda Parijde ötkerilmeli. Böyle muzakereler soñki sefer 2016 senesi oktâbr ayında keçirilgen edi. Ukraina prezidenti Zelenskıynıñ aytqanına köre, «norman dördü» memleketleriniñ liderleri esirlerniñ qaytuvı, ateş toqtatıluvı, Ukraina-Rusiye sıñırınıñ kontroli ve Donbastaki saylavlarnı muzakere etecekler.
Üç parlament fraktsiyası Ukraina prezidentine dekabrniñ 9-na keçirilmesi planlaştırılğan «normand formatındaki» muzakereler ögüne beraber azırlağan beyanatlarınen muracaat etti.